Orce Gjorgjievski, zhvilloi një takim të ngrohtë dhe miqësor me kryetarin afatgjatë të kryeqytetit slloven, z. Zoran Jankoviq.
Gjatë takimit u shkëmbyen përvoja të rëndësishme dhe u diskutua mbi vizionin e bashkëpunimit të ardhshëm mes Shkupit dhe Ljubljanës. Kryetari Jankoviq dha mbështetje të qartë dhe këshilla të vlefshme, duke theksuar se Ljubljana do të jetë qytet-partner dhe shembull i vërtetë për zhvillimin dhe modernizimin e Shkupit.
Një pjesë e rëndësishme e bisedës iu kushtua sfidave më të mëdha me të cilat përballet kryeqyteti ynë – transporti publik dhe pastërtia. Kryetari i Ljubljanës premtoi angazhimin e ekipeve profesionale nga qyteti i tij për të ndihmuar Shkupin, jo vetëm në këto fusha, por edhe në çdo drejtim tjetër ku do të nevojitet ekspertizë.
Palët ranë dakord për intensifikimin e bashkëpunimit dhe forcimin e kapaciteteve të Shkupit në drejtim të krijimit, planifikimit dhe zbatimit të projekteve evropiane.
Ky partneritet synon të ndërtojë një Shkup më efikas dhe më evropian, të denjë për qytetarët e tij. Po ashtu, u konfirmua statusi i qyteteve të binjakëzuara, ndërsa u dërgua edhe një ftesë zyrtare për kryetarin Jankoviq që të vizitojë Shkupin.
