Vendet e BE-së dhe Kanadaja do të ofrojnë mbi 35 miliardë euro ndihmë shtesë për sigurinë për Ukrainën në vitin 2025, tha Sekretari i Përgjithshëm i NATO-s Mark Rutte në një konferencë për shtyp përpara Samitit të NATO-s në Hagë.
“Kemi – mund ta njoftoj tani – vlerësime të reja që tregojnë se aleatët tanë evropianë dhe kanadezë kanë rritur angazhimin dhe janë zotuar tashmë – ndërsa fillimisht do të kishim qenë në gjendje të njoftonim një shumë prej 20 miliardë eurosh gjatë tre muajve të parë të këtij viti, tani ata do të ofrojnë mbi 35 miliardë euro ndihmë shtesë për sigurinë për Ukrainën për vitin e ardhshëm”, tha Rutte.
Shefi i NATO-s shtoi se Presidenti ukrainas Volodymyr Zelensky dhe disa zyrtarë do të marrin pjesë në samitin në Holandë.
Vendet e NATO-s do të premtojnë 40 miliardë euro në mbështetje të Ukrainës gjatë 12 muajve të ardhshëm në samit, tha një burim në qeverinë gjermane.
