Në vetëm pak javë, qeverisja e re e drejtuar nga VLEN po dëshmon në praktikë se ndryshimi nuk është vetëm një slogan elektoral, por një realitet i prekshëm dhe transformues për administratën publike në Maqedoninë e Veriut. Brenda një kohe shumë të shkurtër, janë ndërmarrë hapa të fuqishëm dhe të guximshëm për avancimin dhe përfaqësimin real të kuadrove shqiptare në institucionet shtetërore, aty ku për dekada ka munguar barazia, profesionalizmi dhe meritokracia.
Në Qendrën për Menaxhim me Kriza (QMK), vetëm tre javë pas emërimit të Muhamed Aliut si drejtor, janë avancuar katër shqiptarë me mbi 20 vite përvojë, ndërkohë që janë në proces edhe dhjetëra punësime e avancime të tjera. Procesi po ecën me intensitet dhe transparencë të paparë më parë.
Në EMV–Furnizim me Ngrohje, drejtori Ali Ismaili ka ndërmarrë masa konkrete për forcimin e kapaciteteve menaxheriale, përmes tre punësimeve të reja dhe tre avancimeve në pozita udhëheqëse për shqiptarët. Për herë të parë, promovimet në këtë ndërmarrje po bëhen mbi baza të meritës dhe profesionalizmit, jo përmes lidhjeve partiake apo familjare.
Ndërkohë, në EM –HEC Treska Shkup, ku drejtimin e mban Astrit Iljazi, u finalizua me sukses konkursi për punësim dhe u nënshkruan kontrata për 7 punësime të reja me afat të pacaktuar, një hap i rëndësishëm drejt krijimit të vendeve të punës për të rinjtë shqiptarë. Këto janë 7 punësime për 10 muaj qeverisje nga VLEN, krahasuar me vetëm 17 punësime të shqiptarëve nga BDI në 22 vite pushtet!
VLEN po vendos standarde të reja të qeverisjes, ku fjala e dhënë bëhet realitet dhe ku qytetarët ndihen të përfaqësuar me dinjitet. Po rikthejmë besimin në institucione, po krijojmë hapësirë për kuadrot e reja dhe të afta, dhe po garantojmë shërbime cilësore për të gjithë qytetarët, pa dallim.
Ky është vetëm fillimi.
VLEN për njerëzit. VLEN për barazi. VLEN për drejtësi. VLEN për të gjithë!
Data 30.08.2025
Aktuale
- VLEN: Karvani i fitores mbërrin në Saraj, qytetarët përkrahin ndryshimin me Muhamed Elmazin!
- Blerant Ramadani: Arnaqia e Epërme dhe e Poshtme folën me një zë të fuqishëm!
- Reagimi i Shoqatës së Prokurorëve: A po dëmtohet drejtësia nga deklaratat politike?
- Meta zbulon planet për modelin revolucionar Llama 4.X: Çfarë pritet nga superinteligjenca?
- Zjarr në një kanal me mbeturina, rrezikohen banesa dhe një gabinë elektrike
- Mbi 990 milionë denarë janë planifikuar për pagat e deputetëve dhe të punësuarve në shërbimin parlamentar
- Përkeqësimi i motit ndalon daljen në det, kapiteneria e Portit Sarandë pezullon lundrimin e mjeteve
- “Bulevarde, ura të reja, garazhe nëntokësore…” Valbon Limani shpalos projektet për Gostivarin