Stabiliteti aktual makroekonomik është prioritet që edhe më tej duhet të ruhet dhe përparohet përmes politikave të harmonizuara dhe të koordinuara mirë, konstatuan në takimin e sotëm ministrja e Financave Gordana Dimitrieska-Koçoska dhe guvernatori i sapozgjedhur i Bankës Popullore Trajko Sllaveski.
Dimitrieska-Koçoska dhe Sllaveski, siç informon Ministria e Financave (MF), shkëmbyen mendime mbi sfidat aktuale ekonomike dhe shprehën angazhimin e tyre për të vazhduar dhe forcuar më tej koordinimin midis Ministrisë së Financave dhe Bankës Popullore me qëllim miratimin e politikave që do të jenë të qëndrueshme dhe në interes të qytetarëve dhe ekonomisë.
U theksua edhe rëndësia e bashkëpunimit të ngushtë midis pushtetit fiskal dhe monetar në sigurimin e një mjedisi ekonomik të parashikueshëm, si një parakusht themelor për rritje më të shpejtë ekonomike. Gjithashtu, u theksua rëndësia e një qasjeje të koordinuar midis të gjithë rregullatorëve financiarë në vend, me qëllim që të mundësohet zhvillimi i mëtejshëm i një sistemi financiar të qëndrueshëm, konkurrues dhe gjithëpërfshirës, rezistent ndaj goditjeve të jashtme dhe në funksion të progresit ekonomik afatgjatë.
“Ministrja Dimitrieska-Koçoska dhe guvernatori Sllaveski shprehën gatishmëri për komunikim dhe bashkëpunim të vazhdueshëm institucional, me qëllim përballimin efektiv të sfidave aktuale dhe të ardhshme ekonomike”, thekson MF.
