Santiana Maloku, ish-banorja karizmatike e edicionit të dytë të “Big Brother VIP Kosova”, ka habitur ndjekësit e saj me një përgjigje plot humor dhe ironi në një nga pyetjet e shumta që mori në funksionin “Ask me a question” në Instagram.
Influencuesja dhe modelja e njohur është bërë sërish temë diskutimi në rrjetet sociale, duke treguar një herë tjetër anën e saj ironike dhe të drejtpërdrejtë.
Në pyetjen e bërë nga një ndjekës, shkruhej: “Nëse do kishe zgjedhje mes dashnie të vërtetë dhe një story me 10K a do postoje dashnin?”
Një pyetje që padyshim synonte të testonte prioritetet e saj midis dashurisë së sinqertë dhe përfitimeve financiare nga rrjetet sociale.
Santiana nuk nguroi të përgjigjet në mënyrën e saj unike.
Ajo postoi një fotografi ku shihej një çantë luksoze nga marka e njohur “Jacquemus”, ndërsa përgjigjja e saj ishte shkruar sipër me mbishkrimin: “Nc se qes se e njohin”
Me këtë përgjigje, ajo la të kuptohet me humor se nëse do të postonte dashurinë, do ta bënte vetëm nëse ajo dashuri njihej dhe kishte njëfarë “vlere publike”.
Një mënyrë ironike për të treguar se shpesh njerëzit janë më të prirur të vlerësojnë gjërat e njohura dhe të shfaqura publikisht – ndoshta një mesazh për mënyrën si funksionojnë rrjetet sociale dhe mendësia e sotme rreth lidhjeve dhe famës.
Ky reagim i Santianës nuk është i pari që e vendos atë në qendër të vëmendjes.
Gjatë qëndrimit të saj në BBVK, ajo u shqua për karakterin e fortë, stilin e veçantë dhe mënyrën e drejtpërdrejtë të komunikimit.
Edhe pas daljes nga shtëpia më e famshme në Kosovë, ajo ka ruajtur të njëjtin stil ironik dhe plot vetëbesim, që e bën të jetë një prej figurave më të ndjekura dhe të komentueshme në rrjetet sociale.
Në komentet e ndjekësve pas postimit, nuk munguan reagimet pozitive dhe qesharake.
Shumë prej tyre e vlerësuan për mënyrën kreative dhe të zgjuar se si i përgjigjet pyetjeve, duke e konsideruar një “queen të humorit të ftohtë” dhe “ikona e përgjigjeve me klas”.
Mesa duket, Santiana di shumë mirë si të mbajë gjallë vëmendjen e publikut, dhe këtë e bën me stil, humor dhe një dozë të mirë sarkazme – një përzierje që fansat e saj duket se e adhurojnë./ORAinfo/
