Mesazhet janë edhe të ngjashme edhe të ndryshme, varësisht nga rrethanat dhe nga rajoni, por është e qartë se bota ka hyrë në një fazë shumë të trazuar, se liria vështirë se mund të realizohet në kushtet e rrezikut për sigurinë, thuajse askund nuk jemi të sigurt, tha presidentja Gordana Siljanovska-Davkova, pas takimit të kryetarëve të shteteve dhe qeverive të “Akaba Proces Ballkan III”, në Sofje.
Siç njoftoi raportuesi i MIA-s nga Sofja, vizita është realizuar me ftesë të presidentit të Republikës së Bullgarisë, Rumen Radev dhe mbretit të Mbretërisë Hashemite të Jordanisë, Abdullah i Dytë.
Siljanovska Davkova e vlerësoi nismën si një “hap të jashtëzakonshëm”, duke theksuar se në rastin e Akabës, procesi ishte i përqendruar në sigurinë në rajon dhe mendimet dhe pikëpamjet e përbashkëta ishin se edhe në kohën e shpërbërjes së Jugosllavisë, u shfaqën individë radikalë, ekstremë, grupe, madje lëvizje të tëra, dhe për këtë arsye sot “ekziston në kuadër të Evropës dhe në lindje”.
“Ka shumë arsye, arsyet ndër të tjerat i kanë rrënjët në faktin se do të shfaqen të ashtuquajturat shtete të dështuara dhe shtete në të cilat njerëzit nuk mund të sigurojnë një jetë të denjë dhe të mbledhin gjithë jetën në një thes dhe të shkojnë në të panjohurën. Ata po largohen përmes Ballkanit dhe drejt Evropës”, tha Siljanovska Davkova.
Problemet me ujin dhe ushqimin, sipas Siljanovska Davkovës, do të shfaqen dhe ato do të thellohen, prandaj, siç tha ajo, duhet veprim i përbashkët, pasi problemi është se ndonjëherë ose tashmë gjithmonë, mekanizmat që përdorin ekstremistët, radikalët, terroristët ndonjëherë janë më të sofistikuar se ato që përdorin shtetet apo organizatat.
Proceset e tilla të radikalizimit, ekstremizmit, terrorizmit, sipas Siljanovska Davkovës, janë po aq të rrezikshme dhe duhet t’i luftojmë të gjitha, sepse drejtësia selektive është e rrezikshme.
Presidentja e Maqedonisë foli edhe në sesionin e parë të takimit me titull “Identifikimi dhe kuptimi i kërcënimeve”.
