Nga BDI në një komunikatë për media, kanë shprehur shqetësimin e tyre, për siç thonë, dominimin gjithnjë e më të theksuar mono-etnik që Qeveria ka demonstruar gjatë vitit të parë të qeverisjes së saj, ndërsa tani, tashmë në skenën publike, përfshin edhe opozitën etnike maqedonase në këtë prirje të saj.
“Opinionit publik i shkakton neveri ky flirtim i hapur mes Mickoskit dhe Filipçes, për takime të mesnatës në një atmosferë politike intime, ku as më pak e as më shumë po planifikohet një marrëveshje e re shoqërore për rregullimin e rrjedhave të ardhshme politike.
Edhe pse as deri tani nuk janë pyetur për asgjë, heshtja e neveritshme e partnerit shqiptar në Qeveri është dëshmi e nënshtrimit total.
Le të kujtojmë se Republika e Maqedonisë së Veriut është një model i njohur i demokracisë funksionale multietnike, me një orientim të qartë euroatlantik.
Ky sistem vlerash është i ndërthurur me kujdes në tre dokumentet themelore të vendit: Marrëveshjen Kornizë të Ohrit, Marrëveshjen e Prespës dhe Marrëveshjen e Miqësisë me Republikën e Bullgarisë, për zbatimin e të cilave qëndrojnë si garantues partnerët tanë strategjikë, BE dhe SHBA.
Republikës së Maqedonisë së Veriut i nevojitet një dialog i mirëfilltë politik, por jo në takime intime mesnate, por në një format politik dinjitoz, me përfaqësim të qartë të të gjithë qytetarëve, ku të hapen çështjet themelore me rëndësi për vendin.
Modeli themelor i karakterit multietnik të shtetit është i rrezikuar në mënyrë sistematike, ashtu siç është i rrezikuar edhe procesi integrues i vendit në Bashkimin Evropian.
Këto janë dy shtylla strategjike që seriozisht kërcënojnë stabilitetin dhe prosperitetin afatgjatë të vendit, dhe pikërisht këto duhet të jenë prioritetet mbi të cilat duhet të zhvillohet një dialog i vërtetë politik”, thuhet në reagimin e BDI-së.
Data 11.07.2025
Aktuale
- Gjuajtje me armë në Batincë, një person mbetet i plagosur
- Ja kur do të zhvillohet seanca në Apelin e GJKKO-së për shqyrtimin e ankimimit të Ilir Metës për masën “arrest me burg”
- Gjykimi kundër ish drejtorit të Onkologjisë, Vasev dhe tre onkologëve është shtyrë për 5 shtator
- Vrasja e Jan Prengës! Përplasja e prokurorëve për dënimin e kopshtarit të “Golden Resort”: Dibra kërkon 20 vite burg, Kaçkini këmbëngul për burgim të përjetshëm
- Vrasja m*kabre e Renis Dobrës! Zbardhen dy pistat kryesore: Konflikte nga e kaluara në Gjermani dhe dyshime për trafik droge
- Kosova në prag të një ndryshimi demografik: Rënia e popullsisë kërkon veprim urgjent
- BDI : Edhe aty ku drejtojnë, shqiptarët janë të padëshiruar!
- PPK-ja dorëzon armët si hap drejt përfundimit të konfliktit në Turqi