“Ky nuk është rasti i parë tragjik në RMV, ka pasur të tjerë, por jo në këtë shkallë. Ka baza serioze për ekzistimin e korrupsionit. Shoqëria maqedonase kërkon spastrim. Kërkon ndryshim në punën e institucioneve në mënyrë që ato të punojnë më drejtë”, tha ambasadori për bTV.
Ajo ka theksuar se qytetarët kërkojnë që korrupsioni të zhduket dhe përgjegjësit për tragjedinë në Koçan të mbajnë përgjegjësi.
“Duhet të ketë një luftë të pamëshirshme kundër të gjitha praktikave korruptive”, shtoi ambasadorja Popovska. Sipas saj, pikërisht këtë e ka premtuar Qeveria në Shkup.
Diplomati falënderoi të gjitha institucionet bullgare dhe qytetarët e thjeshtë për ndihmën dhe solidaritetin e dhënë në këtë moment të vështirë për vendin. Videon mund ta shikoni KËTU .
Më 16 mars, nga zjarri në diskotekën Pulse në qytetin e Koçanit humbën jetën 59 persona dhe mbi 150 të tjerë u plagosën. 14 prej të plagosurve në tragjedi po trajtohen aktualisht në spitalet bullgare.
“Sot në Bullgari është shpallur Ditë zie kombëtare në shenjë solidariteti me vëllezërit tanë maqedonas”, raporton BGNES.
Në shenjë respekti dhe solidariteti, me rastin e zjarrit tragjik që përfshiu Koçanin, dje në ambientet e Ambasadës së Maqedonisë në Sofje është hapur Libri i Ngushëllimeve, ku qytetarët do të mund të shprehin mbështetjen dhe ngushëllimet e tyre.
