Zëvendëskryeministri, Arben Fetai përmes një postimi në profilin e tij në FB ka kujtuar datën 05.Mars datë që shënon Epopenë e Ushtrisë Çlirimtare të Kosovës, shkruan Top24
Sot, në përvjetorin e Epopesë së Ushtrisë Çlirimtare të Kosovës, kujtojmë me krenari sakrificën e legjendarëve të Prekazit dhe heroizmin e Komandantit Adem Jashari. Lufta dhe qëndresa e tyre vulosën rrugën drejt lirisë dhe pavarësisë së Kosovës, duke dëshmuar se trimëria, vendosmëria dhe sakrifica janë vlera të përjetshme të kombit tonë.
Në Kosovën e lirë, demokratike dhe sovrane, amaneti i dëshmorëve vazhdon të lulëzojë. Nderimi më i madh për ta është forcimi i shtetit të Kosovës dhe ruajtja e vlerave për të cilat ata dhanë jetën. Lavdi e përjetshme heronjve të kombit!
