Nga partia maqedonase në opozitë LSDM, në një kumtesë për media thonë se masa “Shporta e Vitit të Ri” doli të ishte një dështim i plotë. Nga kjo parti thonë se “politika e pushtetit me shportën e vitit të ri ka pësuar një debakël total”.
“Në vend që të ulnin çmimet, ato u rritën, sepse qeveria u dha kohë dhe hapësirë tregtarëve të mëdhenj për të rritur çmimet e produkteve përpara se masa të hynte në fuqi. Vaji i ullirit, vezët, sheqeri, produktet e qumështit, bizelet, fasulet dhe thjerrëzat janë bërë më të shtrenjta dhe këtë qytetarët e ndjejnë çdo ditë dhe e shohin nëpër dyqane e markete”.
“Dhe të dhënat zyrtare nga Enti Shtetëror i Statistikave konfirmojnë se shportat janë të dështuar. Kostoja e jetesës në dhjetor 2024 u rrit me 4.4%, dhe çmimet e produkteve bazë u rritën me 4.3%. Inflacioni gjithashtu u rrit, duke arritur në 4.4 për qind më të lartë në dhjetor 2024”.
“Biznesmenët e mëdhenj janë pasuruar, me bekimin e kësaj qeverie janë nxjerrë nga xhepat e qytetarëve dhjetëra milionë euro. Në vend të politikave të gabuara dhe të dështuara me rastet e shportës, qeveria duhet të përqafojë propozimet e LSDM-së për heqjen e TVSH-së në ushqim dhe rritjen e pagave. Vetëm në këtë mënyrë mund të ulen realisht çmimet dhe të përmirësohet standardi i jetesës së qytetarëve”, thonë nga LSDM.
