Casemiro u la në mënyrë surprizë jashtë skuadre për ndeshjen finale të FA Cup që Manchester United fitoi ndaj Manchester Cityt.
Trajneri Erik ten Hag, theksoi se braziliani mbeti jashtë pasi nuk ishte në gjendje optimale, teksa mediat pretendojnë për të kundërtën duke folur për një krisje mes mesfushorit dhe trajnerit.
Kështu, menjëherë kanë nisur zërat e merkatos për ish-lojtarin e Real Madrid teksa në Britani shkruajnë për një ofensivë të arabëve në drejtim të Casemiros.
Kështu, klube si Al-Nassr, Al-Ahli apo Al-Qasidiya kanë nisur të studiojnë terrenin për të mbërritur te Casemiro dhe për ta joshur brazilianin me ndonjë ofertë financiare të parezistueshme. Tashmë, mbetet për t’u parë se çfarë vendimi do të marrë 32-vjeçaril.
