Kandidati i VLEN-it, për president të shtetit, Arben Taravari, në emisionin “Intervistë në SHENJA”, tha se për ata, mbi gjitha është fillimi i negociatave për anëtarësim të vendit në BE. Ai tha se nëse dëgjohet BDI-ja, për ta kanë filluar negociata, por realisht, dihet se ato nuk kanë filluar.
“Negociatat me BE-në do të fillojnë në momentin që do të ndodhin ndryshimet kushtetuese. Ne kemi pranuar shumë porosi nga përfaqësues të BE-së dhe SHBA-ve të cilët kanë thënë se korniza negociuese nuk ndryshon, dhe kjo është aksiom…”, u shpreh Arben Taravari.
Ai tha se ajo që kërkohet është thjeshtë një garancie gjentellmen se nuk do të ketë kushtëzime tjera në kuptimin e kërkesave politike.
Taravari tha se shqiptarët pa dallim se cilës parti i takojnë janë për ndryshimet kushtetuese, por tek pala maqedonase mendoj se kjo do të ndihmojë.
“VMRO-DPMNE shkoj pak si larg prej asaj dhe duhet njëfarë garancie me ndonjë rezolutë nga BE nga SHBA, si një far garance se i bëjmë ndryshimet kushtetuese, dhe normalisht do të ketë kushtet tjera, të cilët janë për kapituj të ndryshëm, por jo kushtet politike, dhe kjo mund të jetë si në raste të Kosovës”, tha Taravari.
Ai tha se nëse vjen VLEN-i në pushtet, për të cilën tha se është i sigurt, do të jenë garanca më e fuqishme se nuk do të na përsëritet 2008-ta.
“Do të kërkohet një far afatizimi një far dinamike kohore kur realizohen ndryshimet kushtetuese, gjithnjë në koordinim me faktorët kyç dhe relevant, pra me SHBA-në, BE dhe NATO-n”, tha Arben Taravari.
Data 21.05.2024
Aktuale
- Sulmohet nga kolegia e saj në Bërvenicë
- Prokuroria RMV: Gjyqtari Georgiev u kap gjatë kryerjes së veprës, kërkuam masën e paraburgimit, nuk ka prova të mjaftueshme për personin e dytë
- Përveç gjykatësit Georgiev, edhe një tjetër i dyshuar për mitmarrje
- Gili feston ditëlindjen, nuk jua merr mendja sa vjet mbush
- Arrestohet kumanovari në Tetovë, ka tentuar ta sulmojë gruan e tij
- E rreh gruan e tij dhe e mbyll në një dhomë, arrestohet një person nga Gostivari
- Osmani: Shpreh kënaqësi për hapjen e ambasadës së Kazakistanit në Shkup
- Mitsotakis: Politikat e udhëheqësisë së re në RMV janë provokative dhe joligjore