Nëse udhëhiqemi nga thashethemet e pasakta dhe tendencioze dhe të gjithë nxitojmë – për të tërhequr papritur kursimet nga një bankë, banka në mënyrë të pashmangshme do të falimentojë. Bëhet fjalë për psikologjinë e masës. Kështu është edhe me shtetin. Nëse nxitojmë të tërheqim aksionet tona dhe euroatlantike në ndërtimin e Maqedonisë si shtet evropian, ekziston rreziku i madh për shpërbërjen e shtetit.
Toni POPOVSKI
Në lojën politike të tezave dhe kundërtezave për (mos)justifikimin e ndryshimeve kushtetuese, ndoshta më delikate dhe në vetvete më e rrezikshmja është apelimi ndaj vullnetit të “popullit”.
Opozita kërkon që “qeveria të përballet me faktin se mbi 80 për qind e popullit (maqedonas) janë kundër ndryshimeve kushtetuese nën diktat bullgar”, dhe qeveria i kujton opozitës se “të gjitha anketat tregojnë se mbi 80 për qind e qytetarëve të vendit, pavarësisht nga përkatësia e tyre, ata duan të jetojnë në BE”. Ky “dialog” polarizues dhe i theksuar emocional i partive më të mëdha vërteton më së miri se sa konfuze dhe në mënyrën e vet skizofrenike është situata aktuale në shoqëri, duke kontribuar më drejtpërdrejt në një lloj paralize në marrjen e vendimeve të nevojshme strategjike.
Si të kapërcehet kjo situatë, ndërkohë që nuk ka fitues dhe humbës politikë? Ndoshta zgjidhjet duhen kërkuar në ligjet e psikologjisë sociale ose të njohura gjerësisht si psikologjia e sjelljes njerëzore, duke shpallur një moratorium për abuzimin e tyre./Analiza e plotë.
