Situata në qytetin e Bahmutit, në lindje të Ukrainës, është duke u bërë “secilën herë e më e vështirë”, ka thënë presidenti ukrainas, Volodymyr Zelensky.Forcat ruse janë duke tentuar që ta marrin këtë qytet që gjashtë muaj.“Armiku është duke shkatërruar vazhdimisht gjithçka që mund të përdoret për të mbrojtur pozicionet tona”, ka thënë Zelensky.Disa prej luftimeve më të ashpra në Ukrainë, prej kur Rusia e ka nisur luftën një vit më parë, janë duke u zhvilluar në qytetin e Bahmutit.Ky qytet ndodhet në rajonin ukrainas të Donjeckut, i cili është nën kontrollin e Rusisë dhe aleatëve të saj separatistë.Zelensky është shprehur “mirënjohës për secilin ukrainas që në mënyrë heroike ka mbajtur pozicionet” në këtë zonë.Ai i ka falënderuar aleatët për dërgimin e pajisjeve ushtarake moderne, në mënyrë që Ukraina të mbrohet nga “terrori rus”.Deklaratat e liderit ukrainas kanë ardhur pasi Sekretarja amerikane e Thesarit, Janet Yellen e ka paralajmëruar Kinën kundër dërgimit të armëve në Rusi.Përgjatë vizitës në Kiev, Yellen ka thënë se Shtetet e Bashkuara do t’i ndihmojnë ekonomisë ukrainase me 1.25 miliard dollarë.Lufta në Ukrainë ka nisur më 24 shkurt 2022.Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre. /REL
Data 03.05.2024
Aktuale
- “U bona me çikë se çikë s’kom”, Gili me fjalë të mëdha për nusen e saj
- Kiara me vajzën Lunën arrin në shtëpi, i bëjnë pritje madhështore
- Ahmeti nuk e përjashton VMRO-në
- Zona 3 zgjedhore: Prof. Dr. Sylejman Baki u takua me banorët e fshatrave turke të Shtipit
- Bushati: Duke e shpallur qytetar nderi në një institucion hajdutërie, e ç’nderuan Ali Ahmetin
- BDI me patericat, po garon pa ide
- MPB: Rrahje mes dy grave në Bit Pazar
- Nuk shihen shpesh bashkë, ky është raporti i Shyhrete Behlulit me djalin e madh