Ndaj kryeministrit Dimitar Kovaçevski, ku numëroi sukseset e mandatit qeverisës në krye me të, ka reaguar deputeti i VMRO-DPMNE-së, Petar Ristevski.
Ai tha se në këtë mandat qeverisës, inflacioni është në shkallën më të lartë dhe se shpenzimet kanë shënuar rritje.
“Nuk e përmendet se inflacioni është më i larti – 20%. Shpenzimet për janar janë më të larta për 17%, se sa vitin e kaluar. Çmimet në pakicë janë rritur, për të njëjtën periudhë, për 13.5%. Paratë me ju nuk kanë vlerë dhe kur është aq mirë siç thoni – pse e bëni pra rikonstruimin kryeministër? Pse i ndryshoni?”, tha Ristevski, transmeton TV21.