Kryeministri Dimitar kovaçevski, incidentin në Ohër ku pak ditë më parë u rrah sekretari i klubit bullgar e ka quajtur një tentim për shpërqendrim vëmendjen nga e ardhmja evropiane e vendit. Ai tha se nuk do të lejoj që përmes këtyre akteve vendi të ndahet nga rruga europiane.
“Ka tensione dhe ka shumë pyetje që janë legjitime lidhur me zhvillimet gjatë vikendit të kaluar dhe periudhës së kaluara. E para unë dhunën nuk e arsyetoj dhe gjithmonë e dënoj dhe do ta dënojë, ashtu që do ta gjykoj çdo provokim që vjen nga brenda apo nga jashtë dhe e cila i lëndon ndjenjat e maqedonasve dhe zgjon shqetësim tek maqedonasit, kjo për mua është e papranueshme. E dyta lidhur me incidentin, jam i lumtur që institucionet reaguan menjëherë dhe MPB-ja i gjeti sulmuesit dhe besoj se së shpejti do të zbardhet rasti. Kjo nuk është një ndeshje ku luajnë Pelisteri dhe Vardari apo MZT dhe Rabotniçki, por kjo është e ardhmja jonë. Unë këtë nuk do ta lejoj, nuk do të lejoj që të ndahemi nga rruga evropiane e shtetit dhe për këtë do të insistoj që ky problem të zgjidhet sa më shpejtë sepse ne duhet të vazhdojmë në rrugën evropiane” – tha Kovaçevski. /KlanMacedonia/