Kryeministri Edi Rama po zhvillon në Tiranë takim me drejtuesit e partive shqiptare në Maqedoninë e Veriut.
Gazetari Ergys Gjençaj në një raportim për News24 ka zbuluar detaje nga takimi, që nga pjesëmarrësit e deri tek temat e diskutimit.
“Takimi është thirrur nga kryeministri Rama me krerët e partive politike shqiptare në Maqedoninë e Veriut.
Pjesëmarrës në takim janë Ali Ahmeti i BDI, Afrim Gashi i Alternativës, Menduh Thaçi i PDSH dhe Arben Tavari i Aleancës për Shqiptarët.
Bilal Kasami i Besës ka refuzuar kërkesën për takim, për shkak të betejës së brendshme politike që partia e tij ka me BDI të Ali Ahmetit. Takimi fokusohet tek situata politike e brendshme në Maqedoninë e Veriut, rolin e partive shqiptare në këtë arenë, në këtë situatë ngërçi në Maqedoni kur Parlamenti duhet të bëjë disa ndryshime kushtetuese që lidhe me ecurinë e procesit të integrimit europian, me vijimin e negociatave për anëtarësim. Më 19 korrik të 2022 kur u hapën negociatat për vendin tonë, negociatat u hapësh edhe për RMV, por me një kusht nga Bullgaria që kërkon ndryshime kushtetuese ku duhet të parashikohen ekzistenca e minoritetetit bullgar dhe njohja e gjuhës bullgare si gjuhë zyrtare në RMV”, tha ai.
Portali është në pronësi të Almakos, lajmet dhe informacionet tjera nga portali nuk mund të kopjohen, të printohen, ose të përdoren në çfarëdo forme tjetër për qëllime përfitimi. Për të shfrytëzuar informatat e këtij portali ju lutemi kontaktoni personat përgjegjës, ose shkruani në email-in oficial të portalit.
ALMAKOS MEDIA GROUP Adresa: Miroslav Krleza 14, 1000 Shkup, Maqedoni Veriore Tel/fax: +389 71 322 229 Email:info@almakos.com | almakoss@gmail.com
