Vazhdon të parapëlqejë që të jetë larg kamerave, por kryetarja e Shkupit Danella Arsovska sot u zu në pritë nga gazetarët, ku u pyet në lidhje me borxhin e pa paguar ndaj transportuesve privatë, gjë për të cilën u shpreh se nuk do lejojë që dikush për qëllimet e veta politike të luajë me fatin e të tjerëve.
“-Kur do ketë zgjidhje? -Zgjidhja është dhënë, është lëshuar me njoftime të reja dhe të gjithë ata që kanë nder do kenë mundësi të aplikojnë. Besoj që nuk do lejohet dikush të manipulojë për qëllime politike të luajë me fatin e tyre. Kjo është!”, tha Danella Arsovska, kryetare e Qytetit të Shkupit.
Nga ana tjetër, Transportuesit privatë ende presin për takim me kryeministrin. Drejtori i “Slloboda Prevoz” Lenin Jovanovski shprehet se do t’i qëndrojnë kërkesës së për takim dhe në rast se nuk ka zgjidhje, do të ndërmarrin aktivitete të tjera.
“Supozoj se nëse vazhdon kjo sjellje e papërshtatshme, e papërshtatshme dhe çnjerëzore nga ana e kryetares, mund të ketë më shumë aktivitet qytetar ku grupe më të mëdha qytetarësh do të shfaqen të shqetësuar se kur do të dëgjojnë të vërtetën dhe ndoshta do të marrin disa lloj veprimi, aktivitete, ato do të na japin mbështetje dhe do të përfshihemi në atë që kërkojmë”, pohoi Lenin Jovanoski, drejtor i “Sllboda Pevoz”.
Kryeministri Dimitar Kovaçevski, duke folur për takimin e transportuesit privat, sot tha se ky takim do të bëhet pasi ai t’i ketë marrë të dhënat nga DAP për borxhin ndërmjet Qytetit Shkupit dhe transportuesve. Nga ana tjetër, Kryetari i VMRO-DPMNE-së Hristijan Mickoski u shpreh se takimi i Kovaçevskit me transportuesit është i paramenduar, me qëllimin që Kovaçevski para qytetarëve të dalë si “i mirë”, ndërsa Arsovka si personalitet “i keq” dhe në këtë formë ta dëmtojnë VMRO-DPMNE-në.
