Pas mesnatës akrepat lëvizin 60 minuta para

Nga ora 02:00, akrepat kanë për tu shtyer një orë para duke shënuar orën 03:00.

Llogaritja verore e kohës bëhet të dielën e fundit të muajit mars, teksa ky ndryshim i akrepave i jep fund llogaritjes dimërore të kohës që zgjati për pesë muaj.

Qëllimi i ndryshimit të orës është llogaritur për të përfituar sa më shumë nga energjia natyrale e diellit dhe për të reduktuar konsumimin e energjisë elektrike.

Ky ndryshim do të zgjasë deri të dielën e fundit të muajit tetor, ku akrepat do të shkojnë 1 orë pas.

Këto llogaritjes të kohës aplikohen që nga viti 1981, dhe përfshin të gjithë Evropën, ku në shumë shtete të saj, akrepat e orës lëvizin 60 minuta përpara.

Norma evropiane përcakton në mënyre të qëndrueshme datat e fillimit të periudhës së orës verore, ku akrepat lëvizin një orë para dhe orës dimërore kur ata lëvizin një orë pas.