Kryetari i zgjedhur në krye të bashkisë së Shkodrës, Bardh Spahia, ka reaguar mbi arrestimin e protestuesve në qytetin e Shkodrës. Nëpërmjet një statusi në facebook, Spahia ka thënë se e dëononte sjelljen e dhunshme të policisë dhe se kërkonte lirimin e menjëhershme të protestuesve.
Postimi i Plotë nga kryetari i zgjedhur për bashkinë e Shkodrës, Bardh Spahia:
Shkodra në shesh kundër abuzimit të qeverisë me cmimin e karburanteve.
Respekt dhe mirënjohje ndaj çdo shkodrani që iu përgjigj thirrjes së shoqërisë civile për të protestuar për të drejtat e tyre.
Shkodra nuk pranon “pushtetin” e dhunës dhe të vjedhjes. Çmimi i naftës dhe produkteve të përditshme janë dëshmi e keqqeverisjes.
Dënoj me forcë sjelljen e policisë ndaj protestës paqësore.
I bëj thirrje policisë së shtetit, të lirojë protestuesit të cilët janë shoqëruar në mënyrë flagrante nga Policia e Shkodrës.
Ndalni terrorin ndaj protestuesve të lirë.
