Rusia ka varrosur një ish-rekrut 18-vjeçar, viktima më e re e deklaruar e luftës në Ukrainë deri më tani. Yegor Pochkaenko u vra një ditë para ditëlindjes së tij të 19-të, pasi u zhvendos 5,360 milje nga vendi i tij për të luftuar në Ukrainë.
Ai është një nga pak ushtarët rusë të vdekur, identitetet e të cilëve janë bërë publike dhe akoma më pak funeralet e të cilëve janë fotografuar. Rusia ka dështuar të japë shifra të besueshme për humbjet e saj në një luftë që e quan një ‘operacion special ushtarak’, por SHBA-ja ka vlerësuar se numri është deri në 6,000, me një numër të madh të plagosurish.
Pochkaenko u nderua pas vdekjes me Urdhrin e Guximit nga Putin dhe atij iu dha një përshëndetje ushtarake. Shoku i tij i ushtrisë Aleksey Tarasov tha: Yegor Pochkaenko vdiq si një hero, duke mos u fshehur pas shpinës së shokëve të tij.
