Pesë fëmijë dhe një grua e moshuar janë në mesin e rusëve që janë arrestuar për protesta kundër luftës në Ukrainë.
Sipas Sky News, përcjell Telegrafi, shtatë-vjeçarët Sonya dhe David, nëntë-vjeçari Matvey dhe 11-vjeçarët Liza dhe Gosha u arrestuan së bashku me nënat e tyre pasi vendosën lule dhe mbanin postera kundër luftës jashtë ambasadës së Ukrainës në Moskë.
Ekaterina Zavizion shkroi në një postim në Facebook se ajo dhe shoqja e saj Olya ishin frymëzuar të shkonin në ambasadë me lule pasi kishin parë një video për bombardimin e Kharkiv, qytetit të dytë më të madh të Ukrainës.
Ajo tha se kishte “kuptuar që nuk mund të pretendoj se asgjë nuk po ndodh”.
