Raporti i fundit i Departamentit të Shtetit është dëshmi se kjo Qeveri është e paaftë të luftojë korrupsionin, që është e përhapur në të gjithë vendin. Partitë e opozitës kanë deklaruar se shteti po bëhet regjim hibrid, falë pushtetit të korruptuar.
– Advertisements –
„Një ekonomi produktive, efikase dhe mjaft konkurruese mund të krijohet vetëm duke depolitizuar gjyqësorin dhe administratën, dhe duke krijuar kushte të përshtatshme në përputhje me kërkesat e komunitetit të biznesit, gjë që për fat të keq ky koalicion qeveritar nuk ka arritur të bëjë në katër vitet e fundit.”- deklaroi Timço Mucunski- deputet i VMRO-DPMNE.
Kryeministri Zoran Zaev fajin për korrupsion e hodhi mbi nëpunësit administrativë sepse ato kanë pasur kontakte me qytetarët. Zaev i mbron ministrat dhe drejtorët për të cilët me përgjegjësi pretendon se nuk janë të korruptuar.
“Askund në eshalonin më të lartë, madje as në eshalonin e dytë, nuk vërehet korrupsion. Pra, nuk u gjet te ministrat, tek drejtorët, sipas analizës sistematike është gjetur në pjesën e funksionimit administrativ të institucioneve publike. Kemi përcaktuar nivelin e korrupsionit që ndodh në nivelin e tretë, ku qytetarët prekin sportelin si me certifikatë pronësie, leje ndërtimi, vendim pëlqim, etj dhe ne do ta ndryshojmë këtë.”- pohoi Zoran Zaev – Kryeministër i RMV-së.
Raporti i Departamentit të Shtetit mbi klimën e investimeve në vend vuri në dukje se korrupsioni është një problem i vazhdueshëm, ka ligje, por qeveria ndjek vetëm kritikët dhe shkelësit e kalibrit të vogël.
Andrea Cobanova
