500 euro dënim për maqedonasit me pasaportë bullgare

Për maqedonasit me pasaportë të Bullgarisë do të ketë dënime me para, transmeton Portalb.
“Dënimi vjen, sepse në maj të vitit të kaluar në zgjedhjet europiane në konsullet bullgare kanë votuar edhe pse s’kanë pasur të drejtë”, përcjell “Telma”.
“Sipas ligjit, për të pasur të drejtën e votës do të duhej që së paku 3 muaj të kenë banuar në Bullgari ose në ndonjë vend tjetër të BE-së. Gabimi tjetër që kanë bërë votuesit është se janë deklaruar se kanë të drejt për të votuar”, është deklaruar prokurorja Vesela Stoilova nga Bllagoevgradi i Bullgarisë.
Dënimi për votuesit maqedonas me pasaportë bullgare në Qystendill është 500 euro.