Poliklinika Çento ”përmbytet” nga uji fekal

Për shkak të një defekti të madh, në hapësirat e Poliklinikës Çento, tashmë disa ditë me radhë është shfaqur sasi e madhe uji fekal që ka shkaktuar revoltë te pacientët.
Nga Shtëpia e Shëndetit Publik në Shkup thonë se uji është shfaqur në bodrum si pasojë e një defekti të ndodhur jashtë hapësirave të Poliklinikës në fjalë. Përgjegjësit kanë marrë masa për ta thithur ujin nga bodrumi, por nuk dihet se kur do të rregullohet defekti.