Operatorët e televizioneve janë solidarizuar me operatorin e News24, Aldo Kashri, i cili mbeti i lënduar në protestën e opozitës, pasi gjatë raportimit një molotov i shpërtheu duke bërë që rrobat e tij të merrnin flakë.
Operatori Kashri arriti të shpëtonte pa pasoja të rënda, me disa lëndime.
Sot, në shenjë solidarizimi, operatorët që ndodhen para SPAK, kanë ulur kamerat e tyre përtokë, duke treguar dhe simbolikën se stativët dhe këto pajisje janë të shenjta, por jo sa jeta e njeriut.
