Një djalë 5-vjeçar ka ndërruar jetë në një spital në Ukrainë vetëm disa ditë pasi motra dhe prindërit e tij u qëlluan për vdekje nga trupat ruse, raporton “Skynews”.
Semyon po udhëtonte në një makinë me familjen e tij, duke u përpjekur të ikte nga Kievi, kur ata u sulmuan disa ditë më parë.
Një grup sabotazhi hapi zjarr ndaj automjetit, tha nënkryetari i bashkisë së Kievit, duke vrarë motrën 10-vjeçare të Semyon, Polina dhe prindërit, Anton Kudrin dhe Svetlana Zapadynskaya.
Semyon u dërgua në Spitalin e Fëmijëve Okhmatdyt, por nuk arriti t’iu mbijetonte plagëve, tha një mik i familjes për Daily Telegraph.
Sakaq, motra e tij 13-vjeçare ndodhet në gjendje kritike në një spital tjetër.
