Kreu i Partisë Demokratike, Sali Berisha, ka reaguar mbi vendimin e marrë nga Gjykata e Shkallës së Parë të Korçës për 24 vjeçarin Denis Meçe, i cili u la në burg për veprën penale “Vrasje nga pakujdësia”, pasi vrau përmes dhunës Eglantin Proga, si dhe institucioni i drejtësisë liroi tre të akuzuarit për moskallëzim krimi, Voltqan Shulku, Arian Manellari dhe Leonidha Guçe.
Berisha shprehet se togat e zeza e “ekzekutuan” për herë të dytë 42 vjeçarin, babain e dy fëmijëve.
“Mirëmbrëma demokrate e demokratë, qytetare e qytetarë, misionare e misionarë të vërtetë të kauzës së drejtë të çdo shqiptari.
Një mirënjohje të pakufishme ndaj jush, një mirënjohje të pakufishme ndaj oratorëve të kësaj platforme të të vërtetave dhe fjalës së lirë, që frymëzonin çdo natë çdo shqiptar.
Ju jepni zemër, guxim dhe dëshmoni se qëndresa, guximi janë rruga e vetme drejt fitores mbi këtë regjim që sundon i bazuar në krimin, drogën dhe vjedhjen e shqiptarëve.
Të dashur miq, në emër tuaj unë duhet t’i shpreh solidaritetin tonë njerëzor familjes Proga, e cila pasi humbi nga dorë vrastare e mafies njeriun e vet më të çmuar, babanë e dy fëmijëve, pa sot togat e zeza të vërsuleshin mbi të, ta ekzekutonin për së dyti, të lironin në sallën e gjyqit tre nga katër bashkëpunëtorët e vrasjes së njeriut të tyre.
Miqtë e mi, ky akt kriminal sa ç’ishte vrasja nga gjobaxhiu i Rilindjes i babait të dy fëmijëve, është një akt që revolton çdo qytetar dhe qytetare të këtij vendi.
Është një akt që ka në bazë doktrinën kriminale të Edi Ramës. Ata që u liruan fshehën krimin monstruoz.
Natyrisht krimin monstruoz e fshehën edhe narkokriminelë me uniformë, por të afërt në krim, në dijeni dhe çdo gjë!”, tha Berisha.
