Një 50 vjeçare është proceduar penalisht për shkak se tentoi të dilte nga Shqipëria me 41 mijë euro të padeklaruara.
Në hetim është shtetasja Zh.D., 50 vjeç, e cila banon në Greqi.
Ajo tentoi të kalonte Pikën Kufitare të Kakavijës me shumën e madhe të parave, të cilat nuk ishin të deklaruara konform ligjit.
Vlera prej 41 mijë euro është sekuestruar nga blutë nën cilësinë e provës materiale.
50 vjeçarja akuzohet për veprën penale “Mosdeklarimi në kufi i të hollave dhe i sendeve me vlerë”.
Çështja i ka kaluar Prokurorisë së Gjirokastrës për veprime të mëtejshme.
NJOFTIM
PKK Kakavijë
Tentoi të dilte nga Shqipëria, me 41 000 euro të padeklaruara, procedohet penalisht 50-vjeçarja.
Sekuestrohet shuma e parave.
Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në PKK Kakavijë, në dalje të Shqipërisë, u krye kontroll në çantën e shtetases Zh. D., ku u gjetën 41 000 euro, të cilat kjo shtetase nuk i kishte deklaruar konform ligjit.
Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasen Zh. D., 50 vjeçe, banuese në Greqi. Gjithashtu, u sekuestrua në cilësinë e provës materiale, shuma e eurove.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
