Të shtëna me armë zjarri janë raportuar mbrëmjen e sotme në lagjen nr. 5 të qytetit të Kukësit.
Policia bën me dije se sot rreth orës 20:50, në lagjen nr. 5, shtetasi U. D. dyshohet se gjatë një konflikti për motive të dobëta me shtetasin A. A., ka qëlluar me armë zjarri.
Nga të shtënat nuk ka persona të lënduar. Vijon puna për kapjen e autorit të dyshuar, shtetasit U. D.
Burime për News24 bëjnë me dije se dyshohet për një konflikt të çastit mes disa personave, ku shkak mund të jetë bërë parkimi i automjeteve.
Njoftimi i policisë
Kukës/ Informacion paraprak
Rreth orës 20:50, në lagjen nr. 5, shtetasi U. D. dyshohet se gjatë një konflikti për motive të dobëta me shtetasin A. A., ka qëlluar me armë zjarri.
Nga të shtënat nuk ka persona të lënduar.
Vijon puna për kapjen e autorit të dyshuar, shtetasit U. D.
Është ngritur grupi hetimor dhe, nën drejtimin e Prokurorisë Kukës, po vijon puna për zbardhjen dhe dokumentimin e plotë ligjor të këtij rasti.
Mësohet se dyshohet për një konflikt të çastit mes disa personave, ku shkak mund të jetë bërë parkimi i automjeteve.
Aktualisht, policia po administron provat dhe po merr dëshmitë e banorëve në zonë. Pritet një komunikatë zyrtare nga policia e Kukësit në orët në vijim.
