Policia Kufitare dhe Njësia Policore Detare kanë intensifikuar kontrollet nga Ksamili deri në Koman, në kuadër të operacionit “Siguria Detare”.
Në vetëm një javë, janë kontrolluar 254 mjete lundruese, nga të cilat 36 janë bllokuar për shkelje të rënda të perimetrit të sigurisë, mungesë dokumentacioni dhe ushtrim aktiviteti jashtë zonave të lejuara.
Në listën e mjeteve të bllokuara përfshihen 24 Jet Ski, 5 Skafe, 4 Gomone dhe 3 Varka metalike me motorë uji.
Gjithashtu, 13 mjete janë kapur duke lundruar brenda zonave të ndaluara, duke rrezikuar jetën e pushuesve. Drejtuesit janë ndëshkuar me gjobë 100 mijë lekë secili.
Ndërhyrjet nuk kanë munguar as në rastet emergjente: nga Ksamili në Velipojë, policia ka shpëtuar 18 persona, vendas dhe të huaj, që ndodheshin në rrezik për shkak të dallgëve të forta apo defekteve teknike të mjeteve.
Policia apelon për respektim strikt të rregullave të lundrimit, që përfshijnë:
Përdorim vetëm në zonat e lejuara
Pajisje të detyrueshme shpëtimi
Mosshkelje të perimetrit të sigurisë
Njoftimi i policisë
36 mjete lundruese të bllokuara, nga Ksamili në Koman.
18 shtetas (shqiptarë dhe të huaj) u shpëtuan në det, përmes ndërhyrjes së Policisë Kufitare.
Policia Kufitare në bashkëpunim me Njësinë Policore Detare në kuadër të operacionit “SIGURIA DETARE”, ka intensifikuar kontrollet përgjatë gjithë vijës bregdetare, në zonat liqenore dhe lumore, me fokus në garantimin e sigurisë për pushuesit dhe përdoruesit e mjeteve lundruese.
Gjatë javës së fundit, janë kontrolluar 254 mjete lundruese, nga të cilat 36 janë bllokuar për Shkelje të perimetrit të sigurisë detare, ushtrim aktivitetesh jashtë zonave të miratuara dhe pa dokumentacion përkatës.
Mjetet e bllokuara janë 24 Jet Ski, 5 Skafe, 4 gomone dhe 3 varka metalike me motor uji të instaluar.
13 mjete lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative 100,000 lekë secili.
Ndërkohë nga Ksamili në Velipojë, Policia Kufitare ka ndërhyrë në 10 raste për t’u ardhur në ndihmë 18 shtetasve, të cilët ndodheshin në rrezik për shkak të dallgëve të forta apo defekteve në mjetet e tyre lundruese.
Policia Kufitare apelon për respektimin me rigorozitet të rregullave për përdorimin e mjeteve lundruese që të mos shkelin perimetrin e sigurisë,, të lundrojë vetëm në zonat e lejuara dhe të jenë të pajisur me mjetet e shpëtimit.
Policia e Shtetit fton qytetarët dhe pushuesit të denoncojnë çdo rast të shkeljes së perimetrit të sigurisë detare apo të masave të sigurisë, në numrin pa pagesë 112 duke u garantuar reagim të menjëhershëm dhe masa konkrete ndaj çdo shkelësi.
