Në një atmosferë gjithnjë e më të ngarkuar politike, rasti i ish-deputetit të Partisë Demokratike, Ervin Salianji, vazhdon të ngjallë një valë solidariteti nga figurat publike, gazetarë, politikanë dhe qytetarë të thjeshtë.
Pas vendimit për ta dënuar me burg, vendim që nga shpesh është cilësuar i padrejtë dhe i motivuar politikisht, Salianji duket se nuk është vetëm.
Burime pranë institucionit ku ai ndodhet i dënuar, bëjnë me dije se numri i kërkesave për ta takuar është jashtëzakonisht i lartë. Emra të njohur të politikës, përfaqësues të shoqërisë civile, gazetarë por dhe qytetarë që simpatizojnë atë dhe të djathtwn kanë kërkuar leje për takim me ish deputetin, në shenjë mbështetjeje dhe shprese se drejtësia do të triumfojë, raporton News 24.
Ky interes i shtuar është parë nga shumëkush si një tregues i qartë se zëri i opozitës nuk mund të mbytet dhe se Salianji, përtej mureve të burgut, vazhdon të jetë aktiv për ata në që besojnë në fjalën e lirë dhe në të drejtën për të denoncuar.
Zërat që kërkojnë rivlerësimin e çështjes së tij janë shtuar në mënyrë të ndjeshme, duke e kthyer rastin e Salianjit në një simbol të një betejë më të gjerë për drejtësinë dhe transparencën në vend.
