Pas mbylljes së ditës së shtatë të protestave kundër rritjes së ccmimeve, punonjësit e Kryeministrisë kanë hequr masat mbrojtëse të vendosura në dyert e këtij institucioni.
Masat u vendosën në ditën e dytë të protestave për të parandaluar një përshkallëzim të mundshëm të tubimit.
Qytetarët kanë dalë sot me një sërë kërkesash për uljen e TVSH-së për ushqimet e shportës, apo dhe heqjen e taksës së qarkullimit të mjeteve e uljes së çimit të naftës.
Ata paralajmëruan se protesta e ardhshme do të zhvillohet të shtunën (19 mars), ku qytetarët do të mblidhen në orën 11:00 në sheshin “Skënderbej” për të marshuar më pas drejt Kryeministrisë.
