Opozita zhvillon sot një protestë para godinës së Kryeministrisë, ku demokratët u mblodhën për të shprehur pakënaqësinë ndaj qeverisë.
Forca të shumta policore u dislokuan në zonë, të pajisura me skafandra dhe maska kundragaz, duke rrethuar të gjithë perimetrin e Kryeministrisë dhe rrugët përreth.
Po ashtu janë vendosur barriera metalike për të kufizuar lëvizjen e protestuesve pranë institucioneve shtetërore.
Rreth 1350 efektivë policie do të jenë të angazhuar në protestën e sotme, ndërkohë policia ka njoftuar dhe planin e masave për mbarëvajtjen e tubimit.
