Njësit e misionit paqeruajtës të KFOR-it, kanë bërë të ditur për Kanal10 se që ka nga vendosja e barrikadave në pikat kufitare Jarinjë dhe Bërnjak, kanë transportuar nëntë policë të cilët kanë patrulluar në pjesët e barrikaduara.
Por, kryeministri Albin Kurti dhe ministri Xhelal Sveçla asnjëherë nuk kanë treguar se pjesëtarët e Policisë ishin të sëmurë dhe se janë transportuar nga KFOR.
“KFOR-i është në kontakt të ngushtë me PK-në dhe për t’i përkrahur ata kemi transportuar, 9 policë të cilët janë ndjerë të sëmurë”, ka thënë KFOR-i në një përgjigje për Kanal10.
Policët në veri të vendit tash e 11 ditë kanë mbetur të bllokuar në pikat kufitare përtej barrikadave, kjo gjë ka ngritur shqetësimet e Sindikatës së Policëve dhe partive opozitare.
Ata kanë thënë se një gjë e tillë është përgjegjësi e institucioneve derisa nga partia në pushtet kanë thënë se po flitet se si tu ndihmohet atyre.
