Kapiteneria e Portit Sarandë ka njoftuar ndalimin e daljes në det për të gjitha mjetet lundruese, për shkak të përkeqësimit të kushteve atmosferike dhe detare.
Ky urdhër hyn në fuqi më 30 gusht 2025, ora 06:00, dhe do të mbetet aktiv deri në përmirësimin e kushteve të motit dhe në daljen e një njoftimi të dytë zyrtar nga Kapiteneria.
Sipas njoftimit, ndalimi përfshin mjetet turistike, peshkarexhat dhe skafet e vogla, në të gjithë gjirin dhe zonën bregdetare të Sarandës, Ksamilit dhe Borshit.
“Për shkak të përkeqësimit të kushteve atmosferike dhe detare, përfshirë erërat me intensitet të lartë dhe dallgëzimin përtej normave të lejuara për lundrim të sigurt, NDALOHET çdo dalje në det e mjeteve lundruese… Kujtojmë se mosrespektimi i këtij urdhëri përbën shkelje ligjore dhe do të penalizohet sipas legjislacionit në fuqi,” thuhet në komunikatën zyrtare.
Njoftimi
Për shkak të përkeqësimit të kushteve atmosferike dhe detare, përfshirë erërat me intensitet të lartë dhe dallgëzimin përtej normave të lejuara për lundrim të sigurt, NDALOHET çdo dalje në det e mjeteve lundruese, përfshirë mjetet turistike, peshkarexhat dhe skafet e vogla, në të gjithë gjirin dhe zonën bregdetare të Sarandës, Ksamilit dhe Borshit.
Ky ndalim hyn ne fuqi nga data 30/08/2025, ora 06:00, dhe do të qëndrojë aktiv deri në një përmirësim të kushteve detare dhe një njoftim të dytë zyrtar nga Kapiteneria e Portit Sarandë.
Kujtojmë të gjithë përdoruesit e mjeteve lundruese se mosrespektimi i këtij urdhëri përbën shkelje ligjore dhe do të penalizohet sipas legjislacionit në fuqi.
