Vijon monitorimi intensiv i hapësirave detare, liqenore dhe lumore nga Policia Kufitare dhe Njësia Policore Detare, me qëllim garantimin e sigurisë së pushuesve dhe përdoruesve të mjeteve lundruese.
Nga Komani në Ksamil, gjatë javës së fundit janë kontrolluar 321 mjete lundruese, prej të cilave 20 janë bllokuar për shkelje të ndryshme të rregullave të lundrimit.
Mjetet e bllokuara përfshijnë:
11 jet ski
5 skafe
3 gomone
1 varkë metalike me motor
8 mjete janë konstatuar duke lundruar brenda perimetrit të sigurisë, duke vënë në rrezik jetën e pushuesve. Drejtuesit janë ndëshkuar me gjoba prej 100.000 lekësh secili.
Gjatë javës janë shpëtuar 38 persona (shqiptarë dhe të huaj) dhe 17 mjete lundruese, falë reagimit të shpejtë të strukturave të Policisë në terren.
Apeli i Policisë Kufitare:
Mos lundroni jashtë zonave të lejuara, respektoni perimetrin e sigurisë, përdorni mjetet e shpëtimit dhe mos dilni në det me mjete të vogla kur kushtet e motit janë të pafavorshme
