Një klub ka dalë si favoriti i qartë për të nënshkruar me Marcus Rashford pas pranimit të sulmuesit të Manchester United që ai është i gatshëm të largohet nga klubi.
Më herët këtë javë, Rashford tronditi tifozët e Unitedit kur konfirmoi gjatë një interviste me gazetarin Henry Ëinter se ishte i gatshëm të largohej nga klubi i tij i fëmijërisë dhe të përballonte një sfidë të re.
Pasi komentet e tij u bënë publike, spekulimet në lidhje me klubin e ardhshëm të 27-vjeçarit filluan të qarkullonin.
Dhe tani, një klub është distancuar nga të tjerët si favorit për të siguruar shërbimet e Rashford.
Sipas “Bet365”, gjiganti i La Ligës, Barcelona, është tani favoriti i qartë për të nënshkruar me Rashford.
Më herët këtë javë, një raportim pretendoi se klubi spanjoll kishte kontaktuar tashmë Unitedin për të nënshkruar Rashfordin me huazim, me opsion për ta blerë për 35 milionë funte, me presidentin e klubit, Joan Laporta, që thuhet se është një adhurues i madh i sulmuesit anglez.
Megjithatë, “Djajtë e Kuq” nuk ishin të gatshëm ta linin Rashford të largohej për një çmim kaq të ulët, dhe për pasojë e refuzuan marrëveshjen.
Për më tepër, nëse Rashford është i hapur për të luajtur në ligën spanjolle, është shumë e mundshme që ai do të duhet të pranojë një ulje page për të mundësuar një kalim, duke pasur parasysh faktin që ai aktualisht fiton rreth 350,000 funte në javë.
Nëse një marrëveshje për t’u bashkuar me Barcelonën nuk mund të negociohet, atëherë bastoret kanë kampionët e Ligue 1, Paris Saint-Germain, si hapin e dytë më të mundshëm për Rashford, nëse ai do të largohet nga “Old Trafford”.
Duke folur për Rashford këtë javë, trajneri i Unitedit, Amorim, tha: “Ne jemi më të mirë me Marcus Rashford, kjo është e thjeshtë dhe ne do të provojmë gjëra të ndryshme për ta shtyrë Marcus në nivelet më të mira që ka treguar në të kaluarën.
“Kjo lloj klubi ka nevojë për talent të madh dhe ai është një talent i madh, prandaj thjesht duhet të performojë në nivelin më të lartë… Unë vetëm dua të ndihmoj Marcus-in. Ai ka të drejtë. Ne kemi këtu një sfidë të re, më të madhen në futboll, jemi në një situatë të vështirë. Shpresoj që të gjithë lojtarët e mi të jenë gati”, përfundoi ai.
