Në pritje të lajmeve të rëndësishme në frontin Osimhen-PSG dhe një “zbritje” nga Chelsea për Romalu Lukakun, një tjetër e dhënë vjen nga rrjetet sociale që e afron Big Rom me Napolin.
Pas pëlqimeve në prezantimin e Antonio Contes në Castelvolturno dhe transferimit të ish-shokut të skuadrës Leonardo Spinazzola në Itali, ish-sulmuesi i Romës ka bërë që të zhduken nga profilet e tij të gjitha fotot, ku shihet me fanelën e ish-skuadrave.
Një lëvizje që nuk ka kaluar aspak pa u vënë re dhe që mund të përgatisë terrenin për një mbyllje të afërt të mundshme të negociatave për transferimin e tij në hijen e Vezuvit.
“Një e dhënë është një e dhënë, dy të dhëna janë një rastësi, por tre të dhëna janë një provë”, tha Agatha Christie. Dhe kështu manovrat e fundit sociale të Lukakut duket se të gjitha drejtojnë në një drejtim.
Lojtari, tani nuk është mister, mezi pret të ribashkojë çiftin me Conten në Napoli, që funksionoi aq mirë te Inter dhe nuk humbet asnjë rast për të dërguar mesazhe në këtë kuptim. Indikacione indirekte, padyshim, por që lënë pak dyshime për qëllimet e sulmuesit belg dhe dëshirën e tij për të veshur fanelën blu, pas periudhës së tij te Roma.
Një parantezë tashmë e mbyllur përfundimisht nga Big Rom, i cili në orët e fundit ka hequr të gjitha fotot verdhekuqe dhe ka lënë në profilet e tij vetëm disa imazhe personale pa lidhje me futbollin. Të gjithë presin aventurën e radhës në fushë. Lukaku pastron dhe “hapësirat” në rrjetet sociale: Napoli më afër?
