Klubi italian Avellino ka vazhduar një traditë të çuditshme prej dekadash – duke arritur të ngjitet një kategori më sipër, sa herë që një Papë ka vdekur që nga viti 1958, kështu ndodhi edhe këtë here, vetëm pak ditë para vdekjes së Papa Françeskut në 2025.
Avellino, një klub nga nivelet më të ulëta të futbollit italian, është bërë sërish pjesë e një prej traditave më të çuditshme dhe të frikshme të futbollit, duke fituar promovim në të njëjtin vit që një Papë ndërron jetë.
Modeli i çuditshëm filloi në vitin 1958 , kur Papa Piu XII vdiq dhe Avellino u promovua në Serie C. Trendita vazhdoi në vitin 1963, vitin kur vdiq Papa Gjon XXIII, dhe përsëri në vitin 1978, kur dy Papë — Pali VI dhe Gjon Pali I — vdiqën. Atë vit, Avellino arriti promovimin në Serie A për herë të parë dhe të vetme në historinë e tyre.
Tradita nuk u ndal me kaq. Në vitin 2005, pas vdekjes së Papa Gjon Palit II, Avellino u promovua në Serie B. Edhe me dorëheqja e Benediktit XVI në vitin 2013 e vazhdoi këtë traditë, Avellino u ngjit në Serie B.
Tani, në vitin 2025, ka ndodhur edhe një herë. Më 19 prill, Avellino siguroi promovimin në Serie B me një fitore kundër Sorrentos. Vetëm dy ditë më vonë, bota mori lajmin për vdekjen e Papa Françeskut.
Ndërsa lidhja është thjesht e rastësishme, modeli, i pandryshuar që nga viti 1958 – ka mahnitur mediat italiane dhe tifozët e futbollit. Shanset, thonë shumë, nuk janë asgjë më pak se befasuese. Cilatdo qofshin forcat në lojë, lidhja e frikshme e Avellinos me historinë e Papës mbetet një nga tregimet më kurioze në futbollin modern.
B.T (Dosja.al)
