Ministria e Tregtisë e Kinës publikoi të martën një dokument me titull “Pozicioni i Kinës mbi të ashtuquajturën ‘çështje e mbikapacitetit'”.
Ky dokument ka si qëllim për të qartësuar faktet përkatëse dhe për të shtjelluar qëndrimin e Kinës mbi të ashtuquajturën “çështje e mbikapacitetit”, sipas ministrisë.
Në dokument thuhet që zhvillimi i shpejtë i industrive moderne kineze është i nxitur nga inovacioni, duke theksuar që funksionimi i qëndrueshëm e i shëndetshëm i industrive të Kinës mbështetet në thellimin e vazhdueshëm të reformave.
Vitet e fundit, mjedisi ekonomik e tregtar ndërkombëtar ka pësuar ndryshime të thella dhe konkurrenca midis fuqive të mëdha është intensifikuar, thuhet në dokument.
Në dokument theksohet që nuk ka asnjë lidhje të natyrshme midis subvencioneve industriale e mbikapacitetit dhe se vëllimet e mëdha të eksportit dhe suficitet tregtare nuk janë baras me mbikapacitetin.
Rritja e eksporteve kineze vjen jo vetëm nga ekonomia e shkallës dhe përmirësimi i kapaciteteve inovative, por edhe nga nevojat e tranzicionit të gjelbër dhe industrializimit të vendeve të ndryshme.
