European Centre for Press and Media Freedom (ECPMF) ka reaguar ashpër pas ndërhyrjes së Policisë së Shtetit ndaj Focus Media Group në Tiranë, që përfshin News24, BalkanWeb, Panorama dhe Gazeta Shqiptare.
Në një deklaratë publike, organizata e cilëson “të papranueshme” ndalimin e gazetarëve për të hyrë në vendin e punës, ndërprerjen e energjisë elektrike dhe pezullimin e sinjalit televiziv të News24 në orët e para të së shtunës.
ECPMF i bashkohet thirrjes së rrjetit SafeJournalists dhe Shoqatës së Gazetarëve të Shqipërisë, duke kërkuar nga autoritetet:
• heqjen e menjëhershme të bllokadës
• rikthimin e energjisë elektrike
• garantimin e qasjes së plotë dhe të pakufizuar për gazetarët në vendet e tyre të punës.
“Masat e marra ndaj gazetarëve të Focus Media Group janë të papërshtatshme dhe cenojnë rëndë lirinë e medias,” thekson ECPMF.
https://www.facebook.com/share/19JEpkZQ5Z/?mibextid=wwXIfr
Reagimi:
Pengesat e krijuara sot për gazetarët e Focus Media Group – ndalimi i tyre për të hyrë në godinën ku punojnë, ndërprerja e furnizimit me energji elektrike dhe ndërprerja e sinjalit televiziv në mëngjesin e së shtunës – janë masa të papërshtatshme të marra nga autoritetet shqiptare.
Ne i bashkohemi thirrjes së Safe Journalists dhe Shoqatës së Gazetarëve të Shqipërisë drejtuar autoriteteve shqiptare për të hequr menjëherë bllokadën, për të rikthyer energjinë elektrike dhe për të siguruar akses të plotë dhe të pakufizuar për gazetarët në vendet e tyre të punës.
