Prokuroria e Posaçme ka propozuar emrin e Joni Ketës, për kreun e FBI-së shqiptare, Byrosë Kombëtare të Hetimit.
Komisioni i SPAK që ka propozuar emrin e Joni Ketës, ka qenë i përbërë prej Altin Dumanit, Arben Krajës dhe Behar Dibrës.
Keta ka shërbyer më parë në si Oficer i Policisë Gjyqësore pranë Prokurorisë së Krimeve të Rënda.
Emërimi i kreut të ri të BKH-së do të bëhet prej Këshillit të Lartë të Prokurorisë dhe mandati i tij do të jetë 5-vjeçar.
Byroja Kombëtare e Hetimit konsiderohet si “FBI-ja shqiptare” dhe oficerët specialë garantojnë zbatimin e ligjit në kryerjen e hetimeve cilësore në fushën e veprave penale kundër korrupsionit dhe krimit të organizuar, nën udhëheqjen e Prokurorëve të Prokurorisë së Posaçme, me qëllim parandalimin, zbulimin, goditjen e korrupsionit dhe krimit të organizuar.
Joni Keta është ndër oficerët e parë të Byrosë Kombëtare të Hetimit dhe një vit më parë, në 2024, ai garoi bashkë me gjashtë kolegë të tjerë për të marrë postin e zëvendësit të Aida Hajnaj.
Në fund të garës, Joni Keta u zgjodh fitues dhe sot shërben si zëvendës drejtues i BKH-së dhe njëherësh drejtues i komanduar pasi Aida Hajnaj i ka përfunduar mandati.
