Ka hyrë në fuqi që prej orës 20:00 vendimi i sotëm i Bordit të Transparencës, i cili ka rritur sërish çmimin e naftës, duke e çuar nga 218 lekë për litër në 224 lekë për litër.
Siç shihet edhe nga pamjet e siguruara nga LSA, pikat e karburanteve kanë vendosur tabelat me çmimet e reja.
Ndryshe nga nafta, çmimi i benzinës ka mbetur i pandryshuar nga hera e fundit që Bordi u mblodh dhe do vijoj të shitet me 181 lekë për litër.
Sipas Bordit, çmimet u caktuan në këto kuota, pasi më parë u zbrit një shumë prej 9.5 lekësh nga aplikimi i reduktimit me 20 % të akcizës.
