Një 28-vjeçar është arrestuar nga policia në Fier, pasi shiste lëndë narkotike kokainë dhe kanabis, me vlerë në treg rreth 90 000 euro.
Policia bën me dije se në pranga ka rënë shtetasi me E. M., 28 vjeç, dhe një prej blerësve, shtetasi me iniciale R. N., 30 vjeç.
28-vjeçari u kap në flagrancë duke i shitur në banesën e tij, doza kokaine dhe kanabisi 30-vjeçarit dhe 4 shtetasve të proceduar, të cilët shoqëronin 30-vjeçarin.
Mësohet se ka nisur procedimi në gjendje të lirë për shtetasit me iniciale K. T., 30 vjeç dhe V. K., 19 vjeç, si dhe për 2 shtetas të moshave 16 dhe 17 vjeç.
Fier/Finalizohet pas ndjekjes me metoda proaktive, operacioni policor antidrogë i koduar “Price”.
Shiste Kokainë dhe Cannabis në doza, nga banesa e tij, në lagjen “Afrim i Ri”, arrestohet 28-vjeçari, me precedent në këtë fushë.
Në pranga edhe një 30-vjeçar, si dhe në hetim 4 shtetas, blerës të dozave të lëndëve narkotike.
Sekuestrohen 508 gramë Kokainë dhe qindra doza Cannabisi, me vlerë në treg rreth 90 000 euro. Gjithashtu, sekuestrohen pajisje për ndarjen e lëndëve narkotike në doza, 8 celularë dhe 2 automjete.
Si rezultat i një hetimi me metoda proaktive dhe në bazë të informacioneve të siguruara nga inteligjenca policore, mbi implikimin e një shtetasi në veprimtarinë kriminale të shitjes së lëndëve narkotike, në doza, specialistët e Seksionit për Hetimin e Narkotikëve, në bashkëpunim me specialistët e Seksionit Operacional dhe me Prokurorinë e Fierit, finalizuan operacionin policor të koduar “Price”.
Gjatë operacionit u arrestuan në flagrancë shtetasit E. M., 28 vjeç, dhe R. N., 30 vjeç. Gjithashtu, nisi procedimi në gjendje të lirë për shtetasit K. T., 30 vjeç dhe V. K., 19 vjeç, si dhe për 2 shtetas të moshave 16 dhe 17 vjeç.
28-vjeçari u kap në flagrancë duke i shitur në banesën e tij, doza Kokaine dhe Cannabisi, shtetasit R. N. dhe 4 shtetasve të proceduar, të cilët shoqëronin 30-vjeçarin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
