Një ngjarje tragjike është shënuar pasditen e sotme në Valias të Kamzës, ku ka humbur jetën 51-vjeçari Arben Legisi. Sipas informacioneve paraprake, ai dyshohet se ishte duke rregulluar një defekt elektrik, kur ra në kontakt me rrymën dhe ndërroi jetë në vend.
Ngjarja ka ndodhur rreth orës 16:45. Grupi hetimor ndodhet në vendngjarje dhe po punon për të sqaruar plotësisht rrethanat e incidentit.
Njoftimi i Policisë:
“Kamëz/Informacion paraprak
Rreth orës 16:45, në Valias, shtetasi A. L., rreth 51 vjeç, dyshohet se gjatë kohës që po rregullonte një defekt elektrik ka rënë në kontakt me energjinë elektrike, dhe për pasojë ka humbur jetën. Grupi hetimor ndodhet në vendngjarje dhe po punon për sqarimin e rrethanave të rastit.”
