SPAK ka siguruar bashkëpunëtoren e parë të drejtësisë në një hetim për korrupsion në nivelet më të larta të administratës.
Burime të siguruara nga gazetarja Klodiana Lala konfirmojnë se Adela Kondakçiu, personi kyç dhe truri financiar i Ajola Xoxës, ka pranuar të rrëfejë para Prokurorisë skemën e pastrimit të parave dhe korrupsionit, në këmbim të statusit të të penduarës.
Kondakçiu, e konsideruar si një nga personat më të besuar të Xoxës, ka dorëzuar dokumente, kontrata, e-mail-e, biseda dhe prova të tjera që hedhin dritë mbi rrjetin financiar të çiftit Veliaj–Xoxa.
Sipas burimeve, SPAK ka tashmë në dorë:
• Dëshmitë e 97 personave
• Dhjetëra kontrata financiare
• Bilance e dokumente të falsifikuara
• Biseda të nxjerra nga telefonat e sekuestruar
Këto prova janë pjesë e një dosjeje voluminoze dhe pritet të ngrejë akuza zyrtare ndaj kryebashkiakut Erion Veliaj, bashkëshortes së tij Ajola Xoxa dhe disa të pandehurve të tjerë.
