Një 40-vjeçar i shpallur në kërkim prej disa javësh është arrestuar nga policia për tentativë përdhunimi ndaj një 35-vjeçareje, brenda banesës së saj.
I ndaluari është Roberto Cerria, i cili sipas njoftimit zyrtar, akuzohet për veprën penale “Marrëdhënie seksuale me dhunë me të rritura”, mbetur në tentativë. Ngjarja ka ndodhur më 6 korrik 2025, ndërsa arrestimi u krye në Sarandë pas një operacioni të përbashkët mes policisë së këtij qyteti dhe asaj të Lushnjës.
Në të njëjtën operacion, u arrestua edhe O.D., 34 vjeç, i cili akuzohet për vjedhje në një biznes në fshatin Savër të Fierit, bashkë me shtetasin E.P., i ndaluar më 28 qershor.
Të dy personat janë dërguar në Prokurorinë e Fierit për veprime të mëtejshme.
