Moti me kapriçot e tij nuk ndalet së surprizuari, ku stina e pranverës shoqërohet me stuhi dimërore si ato që kanë goditur së fundmi jo vetëm Evropën, por edhe Shqipërinë.
Në Korçë janë rikthyer reshjet e dëborës, siç shihet edhe nga pamjet. Ato kanë nisur gjatë orëve të fundit kryesisht në zonat malore.
Reshje dëbore janë regjistruar edhe në aksin Boboshticë-Dardhë, ku trashësia e dëborës varion nga 20 deri në 25 cm.
Kontraktorët ndodhen në terren dhe po punojnë për pastrimin e rrugëve dhe kriposjen e tyre.
