Operacioni i SPAK, kundër mashtrimeve të qytetarëve të huaj me Call-Center të ngritur në Shqipëri, regjistron një tjetër të arrestuar.
Dhe është pikërisht një shtetas i huaj, pjesë e grupit të organizuar të mashtrimeve me dëm miliona euro ndaj qytetarëve, në bursat Forex.
I arrestuari sot në Tiranë nga policia me urdhër të Prokurorisë është italiani Cosimo Notari Stefano.
Burime zyrtare thanë se ky ndalim është kryer në kuadër të operacionit kundër Call-Center, i cili ka dhjetëra të arrestuar dhe persona në kërkim apo nën hetim, në goditjen e kryer pak javë më parë.
Gjykata e Posaçme kundër Korrupsionit dhe Krimit të Organizuar (GJKKO), ka caktuar masën e sigurisë “arrest me burg” për 6 persona të përfshirë në këtë aktivitet të dyshuar kriminal.
